Wednesday, April 6, 2022

සූදුව

 


        පළමු කතාව -

මුදල් රැස් කිරීම දුෂ්කර වුවත් නැති කර ගැනීම පහසු වන අතර එසේ නැති කර ගැනීමේ හොඳම ක්‍රමය සූදුවයි. අන්තිමේ දී සියලු සූදු කාරයෝ පරාජිතයෝ ය. එහෙත් සූදුව මගින් විශාල මුදලක් රැස් කර ගත හැකි වේ යයි, මිනිසුන් තවමත් සිතති. අනාවැකි පැවසීම කෙතරම් අනතුරුදායක දැයි තහවුරු කිරීමට, පහත සඳහන් කතාන්දර දෙක පවසමි.

මගේ මිතුරෙකු එක් උදෑසනක පිබිදුණේ, පැහැදිලි සත්‍ය බව වැටහුණු සිහිනයක් දැකීමෙන් අනතුරුව ය.

සුරාංගනාවෝ පස් දෙනෙක්, රත්රන් පිරුණු භාජන පහක් ඔහුට ගෙනැවිත් දුන්හ. ඔහු දෙනෙත් විවර කර බැලූ විට, සුරාංගනාවන් ද රන් භාජන ද නිදන කාමරය තුළ නො වූවත් එය ඉතා අමුතු සිහියක් විය.

ඔහු මුළුතැන්ගෙයට ගිය විට, ඔහුගෙ උදෑසන ආහාරය වශයෙන් තැම්බූ බිත්තර පහක් ද, කර කරන ලද පාන් පෙති පහක් ද, බිරිඳ විසින් සුදානම් කර තිබිණි. එදා පුවත්පතේ සඳහන්ව තිබුණු පරිදි එය පස්වැනි (මැයි) මාසයේ පස්වැනි දා විය. අංක 5 පිළිබඳ ව කිසි යම් අමුත්තක් සිදු වන බව ඔහුට හැඟිණි. ඔහු අනතුරුව තුරඟ තරඟ විස්තර සඳහන් පිටුව හැරවී ය. තුරඟ පිටියේ නම Ascot වූ අතර අකුරු පහකි. පස්වැනි තරඟයේ පස්වැනි අශ්වයා ඔහුගේ අවධානයට ලක්විය.

සවස් වරුව නිවාඩු ලබා ගත් ඔහු, බැංකු ගිණුමෙන් ඩොලර් පන්දහසක් ලබා ගෙන, පස්වැනි අයකැමි වෙත ගොස්, පස්වැනි තරඟයේ, පස්වැනි අශ්වයා වෙනුවෙන් ඩොලර් පන්දහස ඔට්ටු ඇල්ලීය. වාසනාවන්ත අංක වූ 5ට වැරදුණේ නැත. ඔහුගේ අශ්වයා තරඟයේ පස්වැනියා විය.

 

        දෙවන කතාව -

 

දෙවැනි කතාන්දරය කලකට පෙර සිදු වූයේ සිංගප්පූරුවේ දී ය. ඕස්ට්‍රේලියානු තරුණයෙක්, රූමත් චීන තරුණියක සමග විවාහ විය. ඔවුන් වරක් නෑදැයින් බැහැ දැකීමට සිංගප්පූරුවට ගිය විට, එදා සවස තුරඟ තරඟ පිටියට යාමට සැරසී සිටි ඇගේ සහෝදරයෝ, තමන් සමග යාමට ඔහුට ද ආරාධනා කළහ. ඔහු ඊට එකඟ විය. එහි යාමට පෙර, සුප්‍රකට බෞද්ධ විහාරස්ථානයකට ගොස්, හඳුන්කූරු දල්වා වාසනාව පිළිබඳව ප්‍රාර්ථනා කිරීමට ඔවුන්ට උදක්ම අවශ්‍ය විය. ඔවුන් ඒ විහාරස්ථානයට ගිය විට එය අපවිත්‍ර බව දැක කොසු, ඉදල් ආදිය යොදා ගෙන මුළුමනින් පවිත්‍ර කළහ. ඉන් පසු හඳුන්කූරු දල්වා ප්‍රාර්ථනා කර තුරඟ තරඟ පිටියට ගියහ. ඔවුන් අධික මුදල් යොදා ඇල්ලූ සියලු ඔට්ටු පරාජය විය.





0 comments:

Post a Comment