ප්‍රේම බන්ධන පිළිබඳ ගැටලුව නම්, සිතේ මවා ගත් චිත්‍රය මැකී ගිය විට සිදු වන කලකිරීම ඉතා පීඩාකාරී වීම ය. සත්‍ය ප්‍රේමයේ දී මෙන් නොව හැඟීම් බර ප්‍රේම බන්ධනවල දී සහකරු හෝ සහකාරිය කෙරෙහි අප තුළ ඇත්තේ, සැබෑ ආදරයක් නො වේ. අප ඔවුන්ට ප්‍රේම කරන්නේ ඔහුන් අපේ හැඟීම් පුබුදු වන ආකාරය අනුව ය.
සත්‍යය ප්‍රේමය පරාර්ථකාමී ප්‍රේමයයි. අප සැලකිලිමත්
වන්නේ, අනෙක් පුද්ගලයාගේ සතුට කෙරෙහි
පමණ ය. ‘ඔබ කුමක් කළත් මගේ හදවත හැමදාම ඔබට විවෘතයි’ යනුවෙන් අප පවසන්නේ අවංක
සිතිණි. සත්‍ය ප්‍රේමය දුර්ලභය.
ඔබේ ප්‍රේමය කෙබඳු දැයි සොයා ගත හැකි පරීක්ෂණයක් පහත
දැක්වේ.
ඔබේ සහකරු / සහකාරිය ගැන මෙනෙහි කර, ඒ රූපය සිතේ මවා
ගන්න. ඔබ දෙදෙනා මුළින් ම හමු වූ දිනයත්, එතැන් පටන් ගත කාල ප්‍රීතිමත්
අවස්තාවනුත් සිති කරන්න. ඔහුගෙන් / ඇයගෙන් ඔබට ලිපියක් ලැබෙන හැටි සිතේ මවා ගන්න.
ඇය / ඔහු ඔබේ හොඳම මිතුරා / මිතුරිය සමග පෙමින් බැඳී ඇති බවත්, දෙදෙනා හොරෙන් පැන ගොස් ඇති බවත්
එහි සඳහන් වේ. ඔබට ඇති වන්නේ කෙබඳු හැඟීමක් ද?
ඔබ තුළ පවතින්නේ සත්‍ය ප්‍රේමයක් නම්, ඔබේ පෙම්වතා /
පෙම්වතිය, ඔබට වඩාත් හොඳ කෙනෙකු සොයා ගැනීම ගැන ඔබ වඩාත් සතුටු විය යුතු ය. ඔබේ
පෙම්වතාගේ / පෙම්වතියගේ සතුට ඔබේ සත්‍ය ප්‍රේමයේ ඉතාමත් වැදගත් අරමුණක් නොවේ ද?
එක්තරා රජබිසවක්, නගරයේ පිඬු සිඟා වදින බුදුන්
වහන්සේ දෙස කවුළුව තුළින් බලා සිටියා ය. උන් වහන්සේ කෙරෙහි ඇය තුළ පැවති භක්තිය,
රජතුමාගේ ඊර්ෂ්‍යාවට හේතු විය. ඇය වඩාත් ආදරය කලේ බුදුන් වහන්සේට ද, එසේ නැතිනම්
අගේ ස්වාමි පුරුෂයා වූ තමන්ට දැයි ඔහු අයගෙන් විමසී ය. ඇය බුදුන් වහන්සේගේ
භක්තිමත් අනුගාමිකයෙකු වුවත්, ස්වාමි පුරුෂයා රටේ රජතුමා බැවින් ඉතා පරෙස්සම් වීම
අවශ්‍ය විය. කලබල වුව හොත් හිස ගසා දමනු ඇතැයි ඇය බිය වුවා ය. ඇය රජතුමාගේ ප්‍රශ්නයට
අවංක පිළිතුරක් දුන්නා ය.
“බුදුන් වහන්සේටත්, ඔබතුමාටත් වඩා මම මට ම ආදරය
කරමි.”
