Friday, February 24, 2023

කුණු කූඩය

 

මිනිසුන්ගේ ගැටලුවලට සවන් දීම, භික්ෂුවක වශයෙන් මා සතු එක් වගකීමකි. බොහෝ විට, ඇතැම් අය පැටලී සිටින සංකීර්ණ අවුල් ජාලය ගැන ඇසෙන විට, ඔවුන් කෙරෙහි ඇති වන අනුකම්පාව නිසා මගේ සිත ද දොම්නස් තත්ත්වයකට පත් වේ. ඇතැම් විට, යම් කෙනෙකු වලකින් ගොඩ ගැනීම සඳහා ඒ වළට බැසීමට මට ද සිදු වේ. එහෙත් ඉණිමගක් ගෙන ඒමට හැම විට ම මතක තබා ගනිමි. ඒ කාර්යයෙන් පසු මම සුපුරුදු පරිදි ඒ ගැන සතුටු වෙමි.

භික්ෂූන්, කුණු කූඩ මෙන් විය යුතු යයි, අචාන් චා හිමියන් පවසා තිබේ. ජ්‍යෙෂ්ඨ භික්ෂූන් විශේෂයෙන්, ආශ්‍රමය තුළ හිඳ ගෙන මිනිසුන්ගේ ගැටලුවලට සවන් දී, ඒ සියලු කුණු ගොඩ පිළිගත යුතු ය. විවාහ ජීවිතයේ ආරවුල්, ගැටවර දරුවන්ගේ ප්‍රශ්න, නෑදෑයින් සමග ගැටුම්, මුදල් ප්‍රශ්න ආදී විවිධ ගැටලුවලට සවන් දීමට අපට සිදු වේ. විවාහ ජීවිතයේ ගැටලු පිළිබඳව, බ්‍රහ්මචාරී භික්ෂූන් දන්නේ මොනවා ද? අප ගිහි ජීවිතය අත් හළේ, ඒ කුණු ගොඩින් ඉවත් වීමට ය. එහෙත් දයානුකම්පාවෙන් යුතුව, අපි ඔවුන්ට සවන් දී අපි සියලු කුණු ගොඩ පිළිගනිමු.

අචාන් චා හිමියන් අපට දුන් අත්‍යවශ්‍ය උපදෙසක් මෙසේ ය. පතුලේ සිදුරක් සහිත කුණු කූඩයක් වන ලෙස එතුමාට අපට පැවසී ය. අප සියලු කුණු ගොඩ පිළිගත යුතු අතර, ඒ කිසිවක් ළඟ තබා ගත යුතු නො වේ.

ඒම නිසා සාර්ථක උපදේශකවරයකු, සිදුරක් සහිත කුණු කූඩයකට සමාන වන අතර තවත් කෙනෙකුගේ ගැටලුවලට සවන් දිය නොහැකි තරමට එය කිසි විටක පිරී නැත.



0 comments:

Post a Comment